IGINIIT ni dating Presidential Spokesperson Atty. Harry Roque na lalabanan nila ang umano’y ilegal na pag-aresto kay dating Pangulong Rodrigo Roa Duterte, na aniya’y isang kaso ng kidnapping. Binanggit din niya na wala nang hurisdiksiyon ang International Criminal Court (ICC) sa Pilipinas at hindi sila maghihintay hanggang Setyembre para sa paglilitis.
“Ilalaban namin ‘yung isyu ng kidnapping. Bukod pa doon, wala na talagang huridiksyon kasi hindi na tayo miyembro ng hukuman.
Hindi kami maghihintay ng September, ang tagal ng pagkakakulong no’n,” saad ni Atty. Harry Roque, Former Presidential Spokesperson.
