ISANG seryosong babala ang inilabas ng isang eksperto—huwag basta-basta magtiwala sa iniinom na tubig mula sa gripo, poso, o mga pampublikong paliguan gaya ng ilog at dagat.
Kahit pa sinasabing malinis ito, hindi aniya ito garantiya ng kaligtasan dahil maaaring taglay nito ang mga mikrobyo at kontaminasyong banta sa kalusugan.
Sa panayam ng SMNI News kay Dr. Erwin Benedicto, ang chair ng Department of Medical Microbiology and Parasitology sa University of Perpetual Help, iginiit nito na kahit pa sinasabing malinis ang tubig mula sa gripo lalo na sa Metro Manila hindi ito garantisadong ligtas.
“But basically, supposedly the tap water that is provided by our government or by our private sector should be clean. Pero alam naman natin na marami nagtatap sa mga water supplier natin. Ang danger ng leak and possible entry of this illegal taping may cause entry of infectious bacteria that may cause disease.”
“Therefore, personally I advise na pakuluan pa rin natin ang tubig o gumamit tayo ng mga distilled water which we know is harmless and safe to drink” saad ni Dr. Erwin Benedicto, Chair, Department of Medical Microbiology and Parasitology.
Pinaalalahanan din niya ang publiko tungkol sa tubig mula sa poso na karaniwan pa ring ginagamit sa mga probinsiya.
Delikado aniya ito lalo na kung may kalapit itong poso negro o imburnal.
“Kasi ngayon very congested ang area natin unlike before, at meron tayong certain meters away na kung saan ‘yung source of water natin should be away kung saan ‘yung sewerage system natin. Ngayon alam naman natin na hindi ‘yan nasusunod. So therefore, sa panahon ngayon, huwag tayong magsabi na the same practice as before that we should follow.”
“Marami na tayong mga distilled water available or even the least, boiling itself is one way to prevent from having this water boiling system,” paliwanag nito.
Pati rin ang mga paliguan gaya ng ilog, dagat, at pampublikong swimming pools ay dapat din aniya pag-ingatan.
Sa huli, iginiit ni Dr. Benedicto na bawat isa ay may papel sa pagpapanatili ng kalinisan ng tubig lalo’t kalusugan pa rin natin ang nakataya.
“Kung kayo naliligo sa mga areas na to, please see to it na pati pag-ihi, avoid doing that in that particular swimming area. That will also contaminate the water. So personally, we have also one way to prevent contaminating this water. So, I advise, please ensure na kung ma-militize sa area kung saan tayo maliligo, it should be properly advised or properly maintained either by the government or by the private owner of that particular pool,” giit nito.
