BIGONG makita ni US Senator Edward Markey si dating Senador Leila de Lima sa pagbisita nito sa PNP Custodial Center sa Camp Crame, Quezon City.
Ayon kay PNP Public Information Office chief Police Brigadier General Roderick Alba, hindi pinahihintulutan ang direktang inter-aksyon ng mga bisita sa “persons under police custody” ng walang pahintulot ng korte.
Maliban dito, ikinukunsidera din ng PNP ang kasalukuyang sitwasyon dahil sa COVID-19 pandemic.
Nabatid na tumagal ng halos 30 minuto ang convoy ni Markey sa tapat ng custodial center.
Tiniyak naman ni Alba na laging handa ang PNP Headquarters Support Service para magpresenta ng briefing sa bisitang delegasyon.
