SINIBAK muna sa pwesto ni Department of Social Welfare and Development Secretary Erwin Tulfo si DSWD Calabarzon Regional Director Barry Chua at ang kanyang Assistant Regional Director for Operations.
Ito ay upang bigyan-daan ang isinasagawang imbestigasyon ukol sa reklamo ni Noveleta Mayor Dino Chua na maraming hinihinging requirements ang tanggapan bago makakuha ng tulong ang mga apektadong residente na hinagupit ng Bagyong Paeng.
Sa press briefing, sinabi ni Tulfo na nitong hapon lang nang ni-relieve sa pwesto ang dalawang opisyal at pinagpapaliwanag sa nangyari.
Pansamantala munang nasa DSWD Office of the Secretary ang mga ni-relieve na opisyal.
