MAINIT na sinalubong ng 4th Infantry “Diamond” Division si AFP chief of staff General Andres Centino sa kanyang farewell visit sa Camp Evangelista, Patag, Cagayan de Oro City.
Binigyan si Centino ng battalion-sized arrival honor ng mga opisyal, enlisted personnel, at civilian human resource personnel ng 4ID na kanyang pinamunuan bilang ika-47 Commander.
Sa kanyang pakikipag-usap sa mga sundalo, ipinahayag ni Centino ang pasasalamat sa 4ID para sa mainit na pagtanggap sa kanya.
Pinuri din nito ang mga nagawa ng 4ID sa pag-neutralize sa mga kalaban at ang matagumpay pagbabantay sa halalan 2022 na nagpanatili sa kanila bilang pinakamahusay na dibisyon.
Samantala, pinasalamatan ni 4ID commander Major General Wilbur Mamawag si Centino na isang tunay na Diamond Trooper na naglatag ng pundasyon para sa patuloy na tagumpay ng dibisyon.
