Pasok si Pinay tennis player Alex Eala sa qualifying entry list ng gaganaping 2024 Australian Open.
Ito na ang pangalawang pagkakataon na maglalaro sa Australian Open si Eala.
Noong 2022 nang una siyang mag-qualify.
Samantala, makakasama ni Eala rito ang ilang tanyag na babaeng tennis players gaya nina 2021 US Open Champion Emma Raducanu; 2012 Roland Garros finalist Sara Errani; Chinese Taipei veteran Hsieh Su-Wei; Alize Cornet; at Kaia Kanepi.
Gaganapin ang qualifying matches ng 2024 Australian Open sa Enero 8, 2024.
Ngunit bago pa man ang Australian Open ay maglalaro muna ngayong Disyembre 31 sa WTA25 Canberra International sa Australia si Eala.
