LUMUTANG sa pagdinig ng senado na nakalabas na ng bansa si Dating Bamban, Mayor Alice Guo.
Bagay na kinumpirma ng Presidential Anti-Organized Crime Commission (PAOCC) sa pamamagitan ng mga record ng foreign counterparts.
July 18 daw dumating sa Kuala Lumpur, Malaysia si Guo mula Denpasar, Indonesia.
July 21 dumating ito ng Singapore mula Kuala Lumpur.
Agosto 18 ng dumating naman ito sa Batham, Indonesia galing Singapore sakay ng ferry boat.
‘‘Confirmed that Alice Leal Guo is out of the country based on our foreign counterparts’ immigration records.’’
‘‘July 18 she arrived in Kuala Lumpur from Denpasar, Indonesia via Batik Air 177.’’
‘‘July 21 she arrived in Singapore from Kuala Lumpur via Jetstar Asia 686.’’
‘‘August 18 she arrived in Batham, Indonesia from Singapore via ferry boat,’’ pahayag ni Dr. Winston Casio, Spokesperson, PAOCC.
Sinabi naman ng Bureau of Immigration (BI) na ilegal na nakalabas ng bansa si Guo dahil hindi aniya ito dumaan sa normal procedure sa paliparan.
Ayon kay Immigration Commissioner Norman Tansingco, si Guo na ang totoong pangalan ay Guo Huaping ay ilegal na nakabyahe papuntang Malaysia noon pang Hulyo.
Ilegal din itong nakaalis ng Malaysia at nakalipad papuntang Singapore kasama ang mga kapatid nito na sila Shiela Leal Guo at Wesley Leal Guo noong Hulyo 21.
Pag-lilinaw naman ni Tansingco na ang pag-alis ni Guo ay hindi naka-record sa centralized database ng BI kahit pa nga mayroong ILBO o lookout bulletin order na nakaisyu dito.
“So far we have not received any turnover or reports related to Guo from other agencies, including those manning our maritime borders,” ayon kay Norman Tansingco, Commissioner, BI.
Matatandaan na bago si Guo, ay nagawa ring makalabas ng bansa ni Katherine Cassandra Li-Ong, ang authorized representative sa ni-raid na POGO sa Porac Pampanga noong Hunyo 11 bago ito naisyuhan ng Immigration Lookout Bulleting Order noong Agosto 06.
