HINDI sapat bilang ebidensiya para sabihing kasabwat na agad sa isang krimen kung mayroong makitang kahit anumang koneksiyon sa pagitan niya at mga kompanya o indibidwal.
Ito ang muling binigyang-diin ni suspended Bamban, Tarlac Mayor Alice Guo bilang tugon sa inihaing criminal complaint ng Presidential Anti-Organized Crime Commission at Philippine National Police- Criminal Investigation and Detection Group sa Department of Justice hinggil sa naging raid sa POGO hub sa Bamban.
Sa complaint ay nahaharap si Guo sa non-bailable offense kaugnay sa human trafficking.
Sa huli, sinabi ni Guo na kumpiyansa siyang hindi sapat ang ebidensiya na magtuturo sa kaniya na may kinalaman ito sa human trafficking case na kinasasangkutan ng POGO hub sa Bamban.
