PANALO sa kaniyang inihaing 2020 libel case si Miss Universe 2018 Catriona Gray laban sa isang showbiz editor at writer.
Kaugnay ito sa ilang fake photoshopped photos tungkol sa kaniya na inilabas online at kumalat sa social media.
Sa anunsiyo ng legal counsel ni Catriona na si Atty. Josabeth Alonso, napatunayang “guilty beyond reasonable doubt” ang Bulgar entertainment editor na si Janice Navida at writer na si Melba Llanera.
Dahil dito, makukulong ang dalawa batay sa inilabas na desisyon ng Quezon City Regional Trial Court Branch 93.
