NAGSAGAWA ang Comembo Elementary School sa Makati City ng dry run para sa pilot implementation ng limited face-to-face classes.
Dalawang air purifiers at isang UVC light ang inilagay kada classroom para sa maayos na air ventilation sa loob.
Hatid-sundo rin ang mga estudyante mula sa kanilang bahay patungong paaralan at vice-versa upang maiwasan ang posibleng hawaan sa ibang lugar.
Samantala, umarangkada din ang dry run para sa pilot implementation ng face-to-face classes sa Sen. Rene Cayetano Science High School sa Taguig City.
Target ng Department of Education (DepEd) na simulan sa Dec. 6 ang pilot face-to-face classes sa mga piling paaralan sa Metro Manila.
