NAGKAROON ng balasahan sa mga opisyal ng Department of Agriculture (DA).
Alinsunod ito ayon kay DA Sec. Francisco Laurel, Jr. sa utos ni Pangulong Ferdinand R. Marcos, Jr. na ayusin ang operasyon ng sektor ng agrikultura.
Si Senior DA Usec. Leocadio Sebastian ay itinalaga na bilang miyembro ng Technical Advisory Group ng kalihim.
Si DA Usec. Nichols Manalo ay itinalagang direktor para sa National Rice Program kasabay ang kaniyang tungkulin bilang Director IV, OIC Director ng Field Operations Service, at director ng National Corn Program.
Si DA Asec. Arnel de Mesa ay magiging full-time spokesperson ng ahensiya.
Si OIC-Usec for Operations Roger Navarro ay itinalaga na bilang OIC-Usec for Rice Industry Development; OIC-National Project Director ng Philippine Rural Development Project; at OIC-Assistant Secretary for Operations.
Si DA Usec. for Fisheries Drusila Esther Bayate ay itinalaga bilang Usec. for Policy, Planning and Regulations.
Si DA Usec. Mercedita Sombilla ay itinalaga bilang overseer ng operations at programa ng mga bureau ng DA.
Si Chief Administrative Officer at OIC Director for Financial and Management Service Thelma Tolentino ay itinalaga naman bilang Usec-Designate for Finance.
Samantala, si DA Usec. Agnes Catherine Miranda ay inatasan para mamahala sa operations at makipag-coordinate sa mga programa ng attached agencies at corporations ng DA.
