POSIBLENG maitala sa 16 na lugar sa Pilipinas ang “dangerous heat index” ayon sa Philippine Atmospheric Geophysical and Astronomical Service Administration (PAGASA).
Sa monitoring ng PAGASA, posibleng halos kalahati ng boiling point na 100 degrees Celcius ang nakikitang maitatala sa naturang mga lugar.
Pinakamainit ang 45°C sa Roxas City, Capiz, 44 °C sa Puerto Princesa; Aborlan, Palawan, at sa Guiuan, Eastern Samar.
Nasa 43°C sa Dagupan City, Pangasinan at Catarman Northern Samar; 42°C sa Metro Manila at Bacnotan, La Union; Aparri, at Tuguegarao sa Cagayan; Sangley Point, Cavite; Ambulong, Tanauan Batangas; San Jose, Occidental Mindoro; Pili, Camarines Sur; Iloilo City at Dumangas, Iloilo.
Kaya naman payo ng PAGASA sa publiko na ugaliing uminom ng maraming tubig at magsuot ng damit na komportable upang maibsan ang matinding init.
