IBINIDA ng Pilipinas ang pagkapanalo sa Arbitral Tribunal sa The Hague, Netherlands bilang modelo para maresolba ang pinagtatalunang teritoryo.
Ito ay kasunod ng Association of Southeast Asian Nations (ASEAN) Defense Senior Officials Meeting (ADSOM) at ADSOM Plus sa Jakarta, Indonesia.
Pinangunahan ni Defense Undersecretary for Strategic Assessment and Planning Ignacio Madriaga ang delegasyon ng Pilipinas.
Kasama rin sina Defense Assistant Secretary for Strategic Assessments and International Affairs Pablo Lorenzo at Philippine Defense and Armed Forces Attaché to Indonesia Colonel Emmanuel Canilla.
Binigyang-diin ni Madriaga ang kahalagahan ng pagtataguyod ng rule-of-law at multilateral cooperation sa gitna ng “geopolitical competition” at “unresolved boundary issues.”
Tinalakay rin sa pulong ang mga mahahalagang dokumento sa 17th ASEAN Defense Ministers’ Meeting (ADMM) at 10th ADMM-Plus sa Nobyembre.
