HINAMON ng Department of Justice (DOJ) si Bureau of Corrections (BuCor) Deputy Security Officer Ricardo Zulueta na humarap at maghain ng kanyang counter affidavit matapos isinangkot sa pagpatay sa radio broadcaster na si Percy Lapid at sa presong si Jun Villamor.
Sinabi ni Justice Secretary Jesus Crispin Remulla na hindi dapat sa media sumasagot ang kampo ni Zulueta.
Sa halip ay dapat siyang humarap sa DOJ at sagutin ang mga alegasyon laban sa kanya.
Iginiit ni Remulla na ang paghahain ng counter affidavit ang tamang proseso ng batas at hindi ang pagbibigay ng salaysay sa media.
