AYON kay Department of Transportation (DOTr) Secretary Vince Dizon, maaaring ipatupad na sa susunod na linggo ang extended operating hours ng MRT-3 tuwing gabi.
Inaasahang madadagdagan na rin ang bilang ng bagon.
Kapag naipatupad ang bagong schedule, ang huling biyahe mula North Avenue na dating 9:30 p.m. ay magiging 10:30 p.m., habang ang huling biyahe mula Taft na dating 10:00 p.m. ay magiging 11:00 p.m.
Pinag-aaralan din ng ahensiya kung maaaring paagahin ng 30 minuto ang unang biyahe sa umaga, ngunit ikinokonsidera rin nila ang maintenance ng mga tren.
