NAKIPAGLARO ng draw game si Southeast Asian Games Veteran FIDE Master David Elorta kay International Master Richillieu Salcedo III sa seventh at final round upang maghari sa AQ Prime 1st FIDE Rated Chess Tournament na tinaguriang “The Moving Scenes” na ginanap sa SM Sucat sa Parañaque City nitong linggo.
Nakakolekta ang 39-year-old blitz king na si Elorta ang 6.5 points mula sa six wins at one draw sapat para manalo sa event na ipinatupad ng seven rounds Swiss system.
Tinanggap ni Elorta ang P30,000 premyo at trophy mula kay AQ Prime CEO Atty. Aldwin Alegre sa one-day event na inorganisa ng Kamatyas Chess Club sa pamumuno ni International Master Roderick Nava.
Natapos ang laro kung saan si Elorta ang natanghal na panalo samantala sumunod naman sina FM Austin Jacob Literatus at Salcedo III na tumapos ng second at third, ayon sa pagkakasunod na may tig-6.0 points.
Pasok din sa top 10 sina Fide Master Narquingden Reyes, Narquingel Reyes, International Master Paulo Bersamina, Grandmaster Darwin Laylo, National Master Emmanuel Emperado, Melito Ocsan Jr. at Sherwin Tiu.
