MALAKI ang naitulong ng pagkaaresto ni dating Pangulong Rodrigo Roa Duterte sa ilang senatorial candidates noong May 12 midterm elections.
Ayon ito kay Geopolitical Analyst at Professor Anna Malindog-Uy at madalas na nakabenepisyo nito ay mula sa PDP-Laban.
Ito’y dahil nasasaktan ang mga tao sa nangyari sa dating pangulo kung kaya’t ibinoto nila ang mga mula sa PDP na kilalang kaalyado ni FPRRD.
Partikular na nakabenepisyo nito ayon kay Malindog-Uy ay ang re-electionists na sina Sen. Bong Go at Sen. Bato Dela Rosa maging ang kongresista na si Atty. Rodante Marcoleta.
Sinabi na rin ng geopolitical analyst na nasorpresa siya at nakapasok sa Top 12 si Lito Lapid.
