ISANG tawag mula sa isang concerned citizen ang natanggap ng mga otoridad sa estasyon mula sa Barangay San Vicente, Banaybanay, Davao Oriental bandang alas-9 ng gabi Setyembre 16, 2022.
Ayon sa ulat, isang kahina-hinalang babae ang humihingi ng pagkain sa isang residente mula sa nasabing lugar at agad na ipinagbigay-alam sa otoridad.
Agad na tumungo naman ang pinagsanib-pwersa ng kapulisan at kasundaluhan para iberipika kung sino ang tinutukoy na babae.
Nang mapuntahan ay agad itong nagpakilala sa kaniyang pangalan na “Amihan”, 25 taong gulang at finance/education staff ng WGF 18 SRC 2 SMRC at miyembro ng partido sa loob ng 5 taon.
Kasalukuyang nasa kustodiya na ngayon ng 48th Infantry Battalion PA Lupon, Davao Oriental ang nasabing miyembro ng CTG para sa pansamantalang disposisyon at tactical interrogation.
