TARGET ni Pinay weightlifter Hidilyn Diaz-Naranjo na hangga’t maaari ay maipanalo niya ang bansa sa dalawang qualifying events para makapaglaro sa 2024 Paris Olympics.
Sa kasalukuyan ay ika-7 sa ranking ng women’s 59 kilograms category si Diaz kung saan ang top 10 mula rito pagkatapos ng limang qualifying events ay makapaglalaro sa 2024 Paris Olympics.
Kasali ngayon ang Pinay weightlifter sa International Weightlifting Federation Grand Prix sa Doha, Qatar at ito ang kaniyang magsisilbing fourth qualifying event.
Samantala, ang kapwa weightlifters na sina Vanessa Sarno at Rosegie Ramos ay kailangan din ng isa pang tournament para makapasok sa Paris Summer Games.
Si Sarno at Ramos ay pawang nasa ika-9 na ranking para sa women’s 49 kilograms at 71 kilograms category.
