IPINATUPAD ng PNP Criminal Investigation and Detection Group (CIDG) ang simultaneous at nationwide one-time-big-time (OTBT) operations laban sa mga pinaghahanap ng batas.
Sa ulat ni PNP CIDG Director Police Brigadier General Ronald Lee mula Nobyembre 25 o dalawang linggong manhunt operations ay nahuli ang 507 wanted individuals sa tulong ng warrant of arrest information system (WAIS).
Sa nasabing bilang, 16 ang regional level most wanted persons kung saan 7 sa mga ito ang most wanted persons ng Calabarzon habang 42 ang nasa provincial level, at 35 ang nasa municipal o city level.
Nahaharap ang mga naaresto sa kasong murder, rape, illegal recruitment, syndicated estafa, carnapping, homicide, at paglabag sa ra 9165 o Comprehensive Dangerous Drugs Act of 2002, RA 10591 o Comprehensive Firearms and Ammunition Regulation Act at iba pa.
Isa sa nahuli ng CIDG ay si Rommel Aguilar na miyembro ng New People’s Army (NPA) at nahaharap sa 8 counts ng qualified rape.
