PUMANAW na ang isa sa tatlong biktima ng insidente ng road rage sa Antipolo kamakailan.
Kinumpirma ito ng Antipolo City Police nitong Marso 31, 2025.
Ang nasawi ay ang indibidwal na tinamaan ng bala sa ulo.
Dahil dito, inihayag ng pulisya na i-a-update nila ang kasong multiple frustrated homicide na isinampa laban sa SUV driver na namaril sa mga biktima.
Magugunitang nangyari ang insidente noong Marso 30, alas singko ng hapon kung saan makikita sa ilang viral na video ang SUV driver na bumunot ng baril matapos makipagsuntukan sa ilang motorcycle drivers.
