ISINAILALIM na sa Alert Level 2 ang Israel ayon sa Department of Foreign Affairs (DFA).
Paliwanag ng DFA, sa ilalim ng Alert Level 2 ay walang non-essential movement para sa mga Pilipino at wala ring bagong deployment ng overseas Filipino workers (OFWs).
Kung aabot naman sa Alert Level 3 ay nangangahulugan na ito ng voluntary repatriation habang ang Alert Level 4 ay nangangahulugan na ng “full-scale war”.
Sa ngayon ay dalawang Pilipino na ang kumpirmadong nasawi sa gitna ng kaguluhan sa Israel at Hamas militant group ng Palestine na nagsimula noong Sabado.
