BUBUSISIING mabuti ng Kamara ang panukalang overhaul pension system ng military and uniform personnel (MUP).
Nauna kasing sinabi ni Finance Sec. Ben Diokno na pabayaran ang libreng pensiyon na natatanggap ng MUPs at ibawas ito sa kanilang buwanang sahod.
Ayon kay House Committee on National Defense Chairman Boboy Tupaz, patuloy nilang pag-aaralan ang panukala katuwang ang Executive Branch at Economic Managers ng admnistrasyon.
Diin ni Tupaz, hihimayin nila ang ‘advantage’ at ‘disadvantages’ ng panukala pati na ang concerns ng men and women in uniform.
Tiniyak naman ng mambabatas na uunahin nila ang paksa sa pagtalakay sa pagbabalik sesyon nila sa May 8.
“Yes, we still have to meet up with the proponents from the Executive Branch especially the Finance Managers pag-resume ng session, and by then, we will be able to thoroughly discuss the advantages and disadvantages of the proposed amendments as well as the concerns and issues of the men and women in uniform who will be adversely affected,” ani Tupaz.
Kung matutuloy naman ang plano ni Diokno na sinabi nitong suportado ni Pangulong Bongbong Marcos, lahat ng aktibo at new recruits sa Armed Forces of the Philippines (AFP), Bureau of Jail Management and Penology (BJMP), Bureau of Fire Protection (BFP), Philippine National Police (PNP), Philippine Public Safety College (PPSC), Philippine Coast Guard (PCG), at Bureau of Corrections (BuCor) ay kakaltasan ng sahod para sa pension fund.
