SA bagong update na inanunsyo ng Facebook, aalisin na ang pagkakaiba sa pagitan ng mga standard video post at Reels. Ibig sabihin, magiging mas simple at tuloy-tuloy na ang proseso ng pag-a-upload ng video content.
Mga bagong feature ng update:
– Lahat ng Video Magiging Reels
– Wala Nang Limitasyon sa Haba o Format
– Papalitan ang “Video” Tab ng “Reels” Tab
– Mas Simpleng Pag-upload ng Content
– Mas Simpleng Audience Control
Mula ngayon, lahat ng video sa Facebook anuman ang haba o orientation ay ituturing nang Reels. Hindi na kailangang mag-alala ang mga user tungkol sa dating mga limitasyon gaya ng 90-second cap o vertical-only format. Pwede na ring mag-upload ng horizontal o mahahabang video bilang Reels.
Bilang bahagi ng pagbabago, papalitan na rin ang kasalukuyang “Video” tab ng “Reels” tab, na magsisilbing one-stop hub para sa lahat ng video content sa platform.
Magkakaroon din ng streamlined na proseso sa pag-upload, kasama ang mas maraming creative tools na magpapadali sa paggawa at pagbabahagi ng content.
Makakapili na rin ang mga user ng audience settings para sa kanilang Reels at Feed videos nang sabay. Kung magkaiba man ang kasalukuyang privacy settings nila, hihikayatin sila ng platform na i-update ito para sa mas pinadaling kontrol sa privacy.
Anong ibig sabihin nito para sa mga Facebook User?
– Mas Mabilis na Pag-upload, Pero Walang Flexibility
– Paghusay na Mga Creative Tools
– Posibleng Pagka-frustrate sa Horizontal Videos
– Pagsasama ng Privacy Controls
– Push Patungong Reels-Style Content
Habang magiging mas mabilis ang pag-upload ng video content, maaaring mawalan naman ng flexibility ang mga user sa pagpili ng format at haba ng kanilang video.
Makikinabang sila sa mas maraming editing at sharing options, ngunit may posibilidad din ng awkward viewing experience para sa mga horizontal o long-form videos sa Reels-first layout.
Isang audience setting na lang din ang gagamitin para sa lahat ng Reels at Feed posts, na magpapadali sa privacy management.
Ayon sa Meta, unti-unting ipapatupad ang mga pagbabagong ito sa mga profile at pages sa buong mundo sa mga susunod na buwan. Layon ng update na gawing mas madali at interactive ang karanasan ng mga user sa pag-share ng kanilang video content.
