BUKAS ang Armed Forces of the Philippines (AFP) sa mga lisensiyadong gun-owner na nagnanais maging military reservist.
Ito ay matapos imungkahi ni Sen. Ronald “Bato” dela Rosa na gawing bahagi ng reservist ang mga marunong gumamit ng baril.
Ayon kay AFP chief of staff General Romeo Brawner Jr., mahalagang marunog gumamit ng baril ang mga reservist bilang bahagi ng kanilang “core competence.”
Pero nilinaw ni Brawner na hindi nangangahulugan na isasabak agad sa giyera ang mga reservist dahil sa konsepto ng reserve force.
Maliban dito, may kaniya-kaniya ring espesyalisasyon ang mga reservist na makakatulong din sa Engineering Corps at Medical Corps ng AFP.
