IKINOKONSIDERA na ng Department of Public Works and Highways (DPWH) na gawing 33 metriko tonelada ang maximum load capacity sa San Juanico Bridge.
Mula ito sa kasalukuyang ipinapatupad na tatlong tonelada na load limit.
Ayon pa sa DPWH, target nilang matapos ang civil works ng San Juanico Bridge Rehabilitation sa loob ng limang buwan.
Upang masiguro naman ang tuloy-tuloy na paggalaw ng mga kalakal at iba pa sa pagitan ng Samar at Leyte ay tiniyak ng Philippine Ports Authority (PPA) na magpapatuloy ang operasyon ng mga shipping line.
