MAY pumalit na sa iniwang posisyon ni PNP retired LtGen. Rhodel Sermonia si Lt. Gen. Emmanuel Peralta, ang opisyal na itinalaga bilang acting Deputy Chief for Administration epektibo ngayong araw ng Huwebes, Feb. 1, 2024
Pumalit naman bilang OIC Chief for Directorial Staff si Area Police Command–Northern Luzon Commander PMGen. Jon Arnaldo na binakante ni Peralta.
Nauna nang lumabas si Lt. General Michael John Dubria ang ipapalit noon kay Sermonia, ngunit agad rin itong binawi ng PNP dahil sa pagiging premature diumano sa paglathala rito.
Pinabulaanan rin ng PNP na ang pagiging tubong-Davao ni General Dubria ang naging rason kung bakit hindi sa kanya ipinagkatiwala ang Top 2 man post sa PNP.
