MABILIS at madaling digital transformation ang alok ng Huawei para sa mga micro, small, at medium enterprise sa Pilipinas.
Kinilala ng administrasyong Marcos ang kahalagahan ng digitalization para mapalakas at mapataas ang competitiveness ng mga micro, small, at medium enterprises (MSMEs) sa Pilipinas.
Sa layong matulungan ang gobyerno sa ninanais nito, may alok na mabilis at madaling digital transformation ang isang technology company para sa mga maliliit na negosyo.
Nitong araw ng Huwebes, ipinakilala ng Huawei ang kanilang e-Kit upang matulungan ang mga negosyante na makapag-digitalize sa kanilang mga negosyo.
“Basically, what Huawei did is that they are introducing easy-to-use, easy to maintain easy products for the SMB market, for the run-rate market. What we’re trying to do is that we’re trying to give the technology to those that does not have MIS or technical people so that it is easy for them to use it,” ayon kay Jimmy Go, President, VST ECS Philippines.
Sabi ni Jimmy Go, Presidente at CEO ng VST ECS Philippines, iba’t ibang technology products ang inaalok ng Huawei e-Kit depende sa pangangailangan ng mga negosyo tulad ng mga hotel, commercial offices, eskwelahan, clinic, ospital, at retail store.
Kabilang sa mga produkto ng Huawei ang malakas na internet connection, pag-digitalize ng business operation, pagpapaigting ng information security, at marami pang iba.
Muli namang tiniyak ni Go ang suporta ng Huawei para sa digitalization efforts ng administrasyong Marcos para sa mga maliliit na negosyo.
“It’s good thing that our President is really pushing this digitization for all government and for the whole country,” ani Jimmy Go, President, VST ECS Philippines.
“The commitment of Huawei is that to be able to help out by providing the Huawei equipment to the SMB and even to the enterprise,” dagdag pa nito.
