SA pamamagitan ng pinagsanib na puwersa ng Ifugao Municipal Police Station at Philippine Drug Enforcement Agency (PDEA) – Cordillera Ifugao Provincial Office, nasabat ang ilegal na droga na tumitimbang ng humigit-kumulang 15.5 gramo na aabot sa P105,400 ang halaga.
Kasabay ng ginawang buy-bust operation, arestado rin ang isang suspek matapos niyang ibenta ang dalawang pakete ng hinihinalang shabu sa isang undercover operative.
Ang nasabing suspek ay 31-taong-gulang na lalaki mula sa Parañaque City.
Nahaharap ngayon sa kasong paglabag sa Republic Act 9165 o ang Comprehensive Dangerous Drugs Act of 2002 ang nahuling suspek.
