INANUNSIYO ng Malakanyang ang mga opisyales na na-retain at ang mga natanggap ang kanilang courtesy resignation.
Tinanggap ni Pangulong Ferdinand Marcos Jr. ang courtesy resignations ng ilang opisyal ng administrasyon, kabilang ang mga presidential adviser.
Kabilang dito sina Presidential Adviser on Legislative Affairs Mark Llandro Mendoza; Presidential Adviser on Military and Police Affairs Roman Felix; at Philippine National Oil Company Renewables Corporation President at CEO John Arenas.
Samantala, mananatili naman sa kanilang mga posisyon ang matataas na opisyal ng ilang ahensiya ng pamahalaan at mga pinuno ng government-owned and controlled corporations (GOCCs).
Kabilang sina GSIS President Jose Arnulfo Veloso, Land Bank of the Philippines President and CEO Lynette Ortiz, Development Bank of the Philippines President and CEO Michael de Jesus, National Irrigation Administration Administrator Eduardo Guillen, Philippine Charity Sweepstakes Office General Manager Mel Robles, at PhilHealth President and CEO Emmanuel Mercado.
