INAASAHANG makararanas ng mga pag-ulan at thunderstorm ang ilang bahagi ng bansa ngayong Lunes dahil sa epekto ng Easterlies at Intertropical Convergence Zone (ITCZ).
Ayon sa 24-hour public weather forecast ng PAGASA, magkakaroon ng maulap na kalangitan na may kalat-kalat na pag-ulan at pagkidlat-pagkulog sa Metro Manila at nalalabing bahagi ng Luzon; Visayas, Bicol Region, at Quezon; Cagayan Valley at Aurora; at Mindanao.
Babala sa publiko, parating mag-ingat at bantayan ang malalakas na thunderstorm na maaaring magdulot ng flash floods o landslide sa panahon ng matinding pagbuhos ng ulan.
Mga Apektadong Lugar at Kondisyon ng Panahon:
*Metro Manila at nalalabing bahagi ng Luzon:
Bahagyang maulap hanggang maulap na kalangitan na may posibilidad ng localized thunderstorm.
*Visayas, Bicol Region, at Quezon:
Maulap ang kalangitan na may kalat-kalat na pag-ulan at thunderstorm dulot ng Easterlies.
*Cagayan Valley at Aurora:
Bahagyang maulap hanggang sa maulap na kalangitan na may mga panaka-nakang pag-ulan o thunderstorm, dulot pa rin ng Easterlies.
*Mindanao:
Bahagyang maulap hanggang sa maulap na kalangitan na may mga isolated na pag-ulan o thunderstorm dulot ng ITCZ.
Samantala, sa buong bansa, inaasahan naman ang banayad hanggang katamtamang hangin mula timog-silangan hanggang timog.
Katamtaman din ang taas ng alon sa mga baybaying-dagat na nasa 0.6 to 1.8 meters.
Paalala naman mula sa PAGASA, maging alerto sa mga babala ukol sa panahon. I-monitor ang lagay ng panahon lalo na kung nasa mga lugar na madaling bahain o mga landslide-prone areas.
