NAGSANIB-puwersa na ang Meralco at ang Samsung C&T ng South Korea tungo sa adoption ng Pilipinas sa nuclear energy.
Saklaw ng kolaborasyon ng dalawa ang pagtalakay sa technical design, regulatory frameworks, at grid infrastructure ng nuclear power plants.
Posible ring magkakaroon ng pilot demonstration project kaugnay sa nuclear energy development.
Maliban sa partnership na ito ay may agreement na rin ang Meralco sa pagitan ng isa pang South Korean firm na Doosan Enerbility Co. Ltd. para sa low-carbon energy projects sa bansa.
May plano rin ang Meralco na magpapadala ng Pinoy scholars sa ilang nuclear engineering institutions sa Estados Unidos at China.
