NAKAMIT na sa wakas nina Miles Ocampo at Cedrick Juan ang kanilang kauna-unahang major award mula sa 2023 Metro Manila Film Festival (MMFF) matapos ang ilang dekada sa showbiz industry.
Ang Best Supporting Actress Award ni Miles ay para sa pelikulang “Family of Two”.
Ang Best Actor Award naman ni Cedrick ay mula sa pelikulang “GOMBURZA”.
Kung mapapansin, dekalibreng mga aktres at aktor ang kalaban ng dalawa para sa naturang awards kung saan sina Alessandra de Rossi, Agot Isidro, Janella Salvador, at Gloria Diaz ang kay Miles.
Habang sina Christopher de Leon, Piolo Pascual, Dingdong Dantes, Alden Richards, at Derek Ramsay naman ang kay Cedrick.
