SA isang puno ng kasiyahan at energy na fan event, nagtipon ang mga BINI fans na kilala bilang “baby blooms” sa One Ayala Space, Makati, noong April 27, 2025. Ang kaganapan ay ang ‘Miniverse’ fan meeting ng pinakasikat na Filipino girl group, BINI, na nagbigay ng kasiyahan sa kanilang mga fans sa pamamagitan ng performances at interactive activities.
Ang buong BINI na binubuo nina Jhoanna, Gwen, Mikha, Maloi, Aiah, Sheena, Colet, at Stacey ay nagpakita ng kanilang galing sa pagkanta at sayaw, kasama ang kanilang mga tagahanga sa isang intimate na setting. Hindi lang basta konsiyerto, ang fan meeting ay isang pagkakataon para sa mga “baby blooms” na makasama ang kanilang mga idolo sa mas personal na karanasan. Ang mga fans ay nakisaya sa mga sayawan at parlor games na nagbigay buhay at saya sa gabi.
Isa pang highlight ng fan meeting ang adorable mascots ng BINI na tinatawag na “BINI-Kada.” Ang mascots ay sina Yangyang, Coyet, Lucky, Mamay, Gwenny, Teysi, Mikmik, at Tintin, na nagbigay ng dagdag saya at aliw sa mga fans sa pamamagitan ng kanilang fun and dancing vibe. Ang ganitong klaseng interactivity ay nakatulong upang palakasin ang koneksyon ng grupo at kanilang fans, lalong-lalo na sa mga younger fans na nagsisilbing core audience ng grupo.
Para sa BINI, mahalaga ang mga ganitong fan events dahil ito ang nagbibigay ng pagkakataon sa kanilang fans na maging bahagi ng kanilang tagumpay at patuloy na paglalakbay sa industriya ng musika. Ang ‘Miniverse’ fan meeting ay isang patunay ng pagpapahalaga ng grupo sa kanilang fans, na siyang nagsisilbing lakas para sa kanilang patuloy na pag-angat.
Bilang dagdag na treat para sa kanilang fans, nagbigay din ng announcement ang grupo tungkol sa ‘Pop It Show’ music festival na gaganapin sa November 21, 2025 sa SM Mall of Asia Arena. Tuwang-tuwa ang mga tagahanga nang malaman nilang isa sa mga magiging headliners ng event ay ang American singer na si David Archuleta, kasama ang R&B group na Blue at singer Vanessa Carlton. Ang festival ay magbibigay ng isang gabi ng amazing performances at dance breaks, na tiyak magiging isang exciting na karanasan para sa mga music fans.
Tickets for the event will go on sale starting May 1 at 11 AM via SMTickets.com at SM Tickets outlets nationwide.
