MAY handog na libreng sakay ang MRT-3 para sa visually impaired passengers mula Agosto 1 hanggang 6 bilang pagdiriwang ng White Cane Safety Day.
Ayon sa pamunuan na MRT-3, kinakailangan lamang magpakita ng valid PWD identification card sa security personnel sa mga istasyon upang makatanggap ng libreng sakay.
Pahihintulutan din ang isang companion o kasama ng pasahero na makasakay nang libre sa mga tren.
Gayunpaman tiniyak ni DOTr Assistant Secretary for Railways at MRT-3 Officer-in-Charge Jorjette B. Aquino na patuloy na bibigyang prayoridad ang kapakanan at mga karapatan ng ating visually impaired passengers lalo na sa sapat, mabilis, komportable, at maaasahang transportasyon.
