NAPASAKAMAY na ngayon ng Caraga Police ang number one most wanted member ng Communist Terrorist Group (CTG) ng Caraga Region.
Kinilala ang suspek na si Arnold Aga Maravilla alias “Dodong”, 34 anyos residente ng P-1A, Sta. Emelia, Veruela Agusan del Sur.
Naaresto ang suspek sa bisa ng Warrants of Arrest for Murder and Multiple Attempted Murder na may Criminal Case Number 8306.
Si alias “Dodong” ay isang dating squad leader ng Segunda Sentro de Grabidad (SDG) Platoon of Guerilla Front (GF) 3, North Eastern Mindanao Regional Committee (NEMRC).
Batay sa rekord, si alias “Dodong” ay partikular na sangkot sa armed encounter sa mga tropa ng 26th Infantry Battalion (IB) Philippine Army sa Brgy. Kauswagan, Loreto, Agusan del Sur noong nakaraang August 8, 2013 na nagresulta ng pagkamatay ni Private First Class Raphy John M. Teola at ikinasugat ng 4 na iba pang sundalo.
