NIYANIG ng magnitude 5.9 na lindol ang Occidental Mindoro pasado alas-kwatro ng hapon ngayong Martes.
Sa datos ng Philippine Institute of Volcanology and Seismology (PHIVOLCS), naitala ang sentro ng pagyanig sa layong 18 kilometro hilagang silangan ng Lubang Island.
Tectonic ang origin ng pagyanig na may lalim na 60 kilometro.
Naramdaman ang Intensity V sa Lubang, Occidental Mindoro; Puerto Galera, Oriental Mindoro. Intensity IV sa City of Makati; Quezon City; City of Taguig; City of Malolos, City of Meycauayan, Obando, and Plaridel, Bulacan; Floridablanca, Pampanga; San Jose, Batangas; City of Tagaytay, Cavite. Intensity III sa City of Caloocan; City of Pasig; Cuenca, and Talisay, Batangas; City of Bacoor, and City of General Trias, Cavite; Rodriguez, Rizal; Mamburao, Occidental Mindoro.
Naramdaman din ang pagyanig sa ilang bahagi sa Central Luzon.
Sa Metro Manila, pansamantala ring natigil ang mga klase at trabaho at pinalabas din ng gusali at ang mga nagtatrabaho sa iba’t ibang mga opisina.
Pansamantala ring itinigil ang sesyon sa Senado at Kongreso ganundin ang operasyon ng mga linya ng tren.
Asahan naman ang aftershock matapos ang pagyanig ayon sa PHIVOLCS.
