INAASAHANG tataas muli ang presyo ng mga produktong petrolyo ngayong linggo.
Batay sa inilabas ng Department of Energy (DOE), maaaring nasa 90 sentimos hanggang P1.30 ang itataas sa kada litro ng gasolina.
Nasa 85 sentimos hanggang P1.35 naman para sa diesel.
Sa kerosene, maaaring nasa 90 sentimos hanggang piso ang oil price hike.
Ang pinal na anunsiyo ng price adjustment ay ilalabas ngayong araw, April 21 at ipatutupad sa Martes, April 22, 2025.
