SIMULA ngayong araw, Enero 18, 2024 ay makikita na sa mga sinehan sa United Arab Emirates (UAE) ang pelikulang “Firefly” na nanalo ng “Best Picture” award mula sa 2023 Metro Manila Film Festival (MMFF).
Sa lahat ng nais makapanood lalung-lalo na sa mga Pilipino sa Dubai, maaari nilang makita ang “Firefly” sa Reel Cinema Dubai Mall, Novo Dragon Mart, Novo Megaplex Ibn, VOX Burjuman Center, VOX City Center Deira, at Star Al Ghurair Center.
Makikita rin ito sa Star Al Wahda Mall sa Abu Dhabi; Novo Manar sa RAK; Star Grand Mall sa Ajman, at Star Al Ain Cineplex sa Al Ain.
Tampok din ang nabanggit na pelikula sa Metro Manila International Film Festival (MMIF) na gaganapin sa Los Angeles, California ngayong Enero 30 hanggang Pebrero 2.
