TINATARGET ng Philippine National Volleyball Federation (PNVF) na maging host ng FIVB Volleyball Men’s World Championship sa 2025.
Inanunsiyo ito ni PNVF President Ramon Suzara kasama sina Department of Tourism (DOT) Sec. Christina Frasco at Sen. Pia Cayetano.
Para kay Volleyball World Chief Business Officer Guido Betti, malaki naman ang potensiyal na nakikita nila sa Pilipinas bilang host country sa event.
Sakali mang matuloy na maging host country ang Pilipinas, gaganapin ang FIVB Volleyball Men’s World Championship sa Setyembre 12-28, 2025.
Noong nakaraang taon ay naging host na ang Samahang Basketbol ng Pilipinas sa 2023 FIBA Basketball World Cup.
