NAKIISA ang Police Regional Office (PRO) Cordillera sa ika-36 taong paggunita sa 1986 Mt. Data Peace Accord.
Nagsilbing kinatawan ng PRO Cordillera si PRO Cordillera deputy regional director for administration Police Brigadier General John Cayaban Chua.
Pinangunahan ni Presidential Adviser for Peace, Reconciliation and Unity Secretary Carlito Galvez Jr. ang programa na ginanap sa Bauko, Mt. Province.
Ito ay may tema na “Peace and Unity Towards Autonomy and Sustainable Development.”
Ang programa ay bilang paggunita sa peace agreement sa pagitan ng gobyerno at Cordillera People’s Liberation Army (CPLA) noong Setyembre 13, 1986.
Naging dahilan ito sa pagpapalabas ng Executive Order No. 220 noong Hulyo 15, 1987 na lumikha ng Cordillera Administrative Region (CAR).
