IGINAWAD kay Regine Velasquez ang Ryan Cayabyab Award for Excellence in Philippine Music sa Pinoy Playlist Music Festival kamakailan.
Sa Instagram post ng singer nitong Linggo ng gabi, hindi niya inakalang paparangalan siya dahil ang buong inakala niya ay dadalo lang ito sa isang awarding.
Ibinahagi pa ng singer sa caption ng kaniyang post na mangiyak-ngiyak ito sa natanggap na parangal.
Maliban kay Regine, awardees din ng Pinoy Playlist Music Festival ang seasoned performer, teacher at writer na si Alfonso “Coke” Bolipata at ang composer at musical director na si Mel Villena.
