NANAWAGAN si Sen. Cynthia Villar sa mga kabataan na maging ‘protectors’ ng kapaligiran lalo na ang mga ‘protected areas’ ng bansa gaya ng Las Piñas Parañaque Wetland Park (L-P-P-W-P).
Pinuri niya bilang “Wetland Heroes” kamakailan ang mga lumahok sa kanilang Facebook Reel-making contest tungkol sa LPPWP.
“You are all winners to me because by making your videos and promoting this wetland, you are being our “Wetland Heroes,” ayon kay Sen. Cynthia Villar, Chairperson, Senate Committee on Environment.
Sa kaniyang mensahe sa pagdiriwang ng Earth Day 2024 at 17th Establishment Anniversary ng LPPWP, noong Sabado, Abril 20, kinilala rin niya ang malaking papel na ginagampanan ng ating mga kabataan sa pag-aalaga sa kalikasan.
“You must remember that protecting our environment is our responsibility. I urge all of you to be proactive in protecting our very own Las Piñas Parañaque Wetland Park,” ani Villar.
Hinikayat din niya ang mga ito na gamitin ang social media upang pukawin ang kaalaman at magbigay ng inspirasyon sa iba upang kumilos.
Tiniyak ng chairperson ng Senate Committee on Environment ang kaniyang buong suporta pati na rin ang suporta nina Sen. Mark Villar at Rep. Camille Villar sa mga kabataang magbabalak magsagawa ng aktibidad sa wetland area na itinanghal ng UNESCO bilang “Wetland of International Importance.”
Nanawagan din siya sa mga ito na ugaliing bisitahin ang LPPWP na aniya’y isang impressive piece of nature.
