PASOK na si Sophia Laforteza sa grand finale ng South Korean talent competition series na “The Debut: Dream Academy”.
Si Sophia ang nanguna sa third mission ng kompetisyon matapos nakakuha ng 45,184 fan votes.
Sa third mission ay hinati sa tatlong grupo ang natitirang 13 contestants at pinapa-perform sa kanila ang hit tracks ng ilang female pop stars at “Buttons” ng Pussycat Dolls ang na-assign sa grupo ni Laforteza.
Mula rito ay napagdesisyonan na ang final ten contestants sa Survival Show at maliban kay Sophia, ito ay sina Ezrela ng Australia; Daniela, Emily at Megan ng USA; Samara ng Brazil; Manon ng Switzerland; Marquise ng Thailand; at Yoonchae ng South Korea.
Ang live finale ng Survival Show ay mapapanood ngayong Nobyembre 17, 2023 sa YouTube channel ng HYBE Labels.
Ang Survival Show ay inorganisa ng HYBE Labels at American Label na Geffen Records.
Ang HYBE Entertainment ay talent agency ng mga sikat na K-pop groups gaya ng BTS, TXT, Le Sserafim, Newjeans, fromis_9, Boynextdoor, Enhypen, at Seventeen.
