BUMISITA ang dalawang F-22 stealth tactical fighter aircraft at isang KC-135 tanker aircraft ng US Pacific Air Force (PACAF) bilang bahagi ng Mutual Defense Board-Security Engagement Board (MDB-SEB) Activity 2023.
Mainit na tinanggap ang delegasyon ng PACAF ni Air Defense Command Commander Major General Augustine Malinit sa Clark Air Base, Mabalacat City, Pampanga.
Lumahok ang Philippine Air Force Fighter pilots, at personnel ng 5th Fighter Wing, Air Defense Command sa Bilateral Fighter Subject Matter Expert Exchange (SMEE).
Nabigyan din sila ng pagkakataon na mainspeksiyon ang US aircraft na naka-display sa paliparan.
Habang ipinakita rin ang pagsasagawa ng air-to-air refueling sa pagitan ng isang F-22 at KC-135 ng Amerika.
Layunin ng bilateral exchanges na mapatatag ang kooperasyon ng dalawang Air Force lalo na sa air domain awareness, agile combat employment, interoperability at iba pang bilateral air objectives.
