GINAGAWANG ‘battleground’ ng United States ang South China Sea.
Ito ang sinabi ni Geopolitical Analyst Prof. Anna Malindog-Uy kaugnay sa pahayag ng China sa United States patungkol sa pangingialam nito sa usapin sa South China Sea.
Kaugnay nito, kinwestyon ni Malindog-Uy kung bakit nakikialam ang US sa usapin gayong hindi naman ito parte ng conflict at hindi rin ito kasali sa South East Asia.
At kung usaping ‘freedom of navigation’ naman aniya.
“Why are they interfering in this issue, they are not part of it. They are not really part of it. They don’t own an inch of the South China Sea. Ang jina-justify nila lagi ‘freedom of navigation’ bakit? hindi ba sila nagkakaron ng freedom of navigation sa South China Sea?” ayon kay Prof. Anna Malindog-Uy, Geopolitical Analyst.
“Ang ano nga sa kanila pati warships nila dumadaan eh. kaya tuloy nagkakaroon ng provocation on the part China. Pati ang China, nagrerespond,’ dagdag pa ni Prof. Malindog-Uy.
Sa huli ipinaalala ni Malindog-Uy, na ang interes ng bansa ang kailangang unahin dahil kapag aniya nag-umpugan ang China at US, ay ang Pilipinas lang ang maiipit.
“They have competition in terms of economic, trade, diplomacy, in terms of winning the hearts and mind of many countries and people of different countries including the Philippines,” saad pa ni Malindog-Uy.
“May ganun silang kompetisyon, ang kaso ang ginagawa nila dito sa South East Asia, ang Pilipinas ang ginagawa nilang battleground,” aniya pa.
