NILAGDAAN na ni President Joe Biden ang Inflation Reduction Act (IRA), na inaasahang mas makatutulong sa klima at pangangalagang pangkalusugan na magmumula sa isang grupo ng mga nangungunang ekonomista, sa gitna ng mataas na inflation.
Ang batas na ipinasa ng House of Representatives noong Agosto 12 sa isang 220-207 na boto ay kinabibilangan ng mga probisyon upang harapin ang record na inflation, babaan ang mga gastos sa pangangalagang pangkalusugan, at dagdagan ang seguridad sa enerhiya, na babayaran sa pamamagitan ng mga buwis galing sa mga korporasyon, at bumabalangkas sa humigit-kumulang $369 bilyon sa klima at mga pamumuhunan sa enerhiya, na tutuon din sa probisyon na sumusuporta sa bago at umiiral na nuclear energy.
Matatandaang unang nakapasa ang Inflation Reduction Act sa Senado ng Amerika noong Agosto 7.
Ang tulong na ito ay pinasa habang ang mga presyo ay patuloy na tumataas dahil sa inflation na tumama sa pinakamataas sa mahigit na apatnapung taon.
Ang pinakabagong data mula sa Bureau of Labor Statistics ay nagpapakita na ang inflation ay tumaas sa kalagitnaan ng pandemic-era noong Hunyo, kasama ang mga presyo ng consumer sa US na pumalo sa 9.1% year-over-year.
Kasama sa mahigit $700 bilyon na package ang pinakamalawak na pamumuhunan ng bansa sa mga bagong hakbangin sa klima; nagpapahintulot sa Medicare na makipag-ayos ng ilang presyo ng gamot; at nagpapalawak ng mga subsidyo sa Affordable Care Act habang binabawasan ang pederal na deficit na may 15% na minimum na buwis ng korporasyon at may excise tax sa mga buyback ng corporate stock.
Sa pagpasa ng Inflation Reduction Act sa Kamara, makikita ng mga pamilya ang mas mababang presyo ng inireresetang gamot, mas mababang gastos sa pangangalagang pangkalusugan, at mas mababang gastos sa enerhiya.
