NAGISA sa Korte Suprema si Solicitor General Menardo Guevarra sa oral arguments ng PhilHealth Reserve Funds Issue.
Tinawag kasi na unconstitutional ng ilang grupo ang paglilipat ng ₱89.9 billion na pondo ng PhilHealth pabalik sa national treasury.
Sa pagtatanong ni Justice Amy Lazaro-Javier, nadiskubre na hindi direktang mapupunta sa serbisyong pangkalusugan ang inilipat na pondo. Sa halip, ito’y gagamitin sa malalaking infrastructure projects, kabilang ang Panay-Guimaras-Negros (PGN) Island Bridges Project—isang proyekto na nauna nang may nakalaang pondo mula sa gobyerno.
“You can call it that infrastructure projects, all right. With respect to the PGN bridges project, per DBM’s Budget of Expenditures and Source of Financing FY 2024 report, the PGN bridges project appears to be fully funded by the Export-Import Bank of Korea in the amount of ₱174.49 billion plus. Is there an urgency to transfer the PhilHealth funds when the project is already fully-funded?” ayon kay Associate Justice Amy Lazaro-Javier, Supreme Court of the Philippines
“Uh, your honor, this is a matter really of, uh, delving into the wisdom of the legislature in allocating funds,” ani Solgen Menardo Guevarra.
Giit din ni SolGen Guevarra, na siyang abogado ng administrasyong Marcos Jr., nasa kamay ng Kongreso ang paglilipat ng pondo sa mga proyektong hindi pa implementable.
Pero ayon sa Korte Suprema, hindi maaaring galawin ang reserve funds ng PhilHealth.
“Your Honor, I think one consideration by the Congress in doing so is a determination of when a project is already implementable. So if a project, uh, that has already been identified and sufficiently funded is considered to be non-implementable for the given fiscal year, then I think it is the decision of the Congress in the exercise of its policy or wisdom so to speak to move it to the unprogrammed appropriations in the meantime,” wika ni SolGen Menardo Guevarra.
“A management and a business judgment. But then the judgment of PhilHealth to disburse its funds is limited by Section 11 that ‘reserve funds,’ as it is named, is reserved and cannot be subject to the discretion of PhilHealth to be used for another purpose,” saad ni Associate Justice Amy Lazaro-Javier.
Para naman sa beteranong broadcaster na si Jay Sonza, posibleng mauwi sa katakot-takot na kaso ang PhilHealth reserve fund issue kung mapapatunayang may nagkulang dito.
“Katakot-takot na plunder, graft and corruption ang kaso riyan, no. Dahil, bakit mo lalagyan ng pera ‘yung may pera na? Diba? Unless, naibulsa ‘yung perang ‘yan,” ayon naman kay Jay Sonza Veteran Broadcaster.
Saad din ni Sonza, nakikita ng taumbayan ang mga hakbang ng kasalukuyang administrasyon—lalo’t accessible sa internet ang oral arguments ng Supreme Court at ang paksa ng PGN Island Bridges Project.
“Lalalim pa ‘yan, Admar. Kasi kung meron nang nakalaan, bakit mo lalagyan? Pangalawa, kung hindi pa nasisimulan, ba’t mo lalagyan?” tanong ni Jay Sonza, Veteran Broadcaster.
Bukod sa infra, naungkat din sa oral arguments na mapupunta rin ang binawas na pondo sa PhilHealth sa maintenance ng national roads, ambayad sa right of way, comprehensive peace payments, AFP modernization program, pension and gratuity fund.
Pondo na, ayon sa Supreme Court, ay dapat sanang inilaan sa benefit packages ng PhilHealth para sa kalusugan ng lahat ng Pilipino.
“Ano ito? Tinatarantado ba ninyo ang taumbayan o meron nang gustong magsabulsa niyan? Kaya ako, naaawa ako kay SolGen kahapon eh. Kasi alam mong nagkaka-utal-utal siya, hindi niya masagot nang tama,” saad ni Sonza.
Habang patuloy na sinusuri ng Korte Suprema ang isyu, nananatiling malaking tanong sa taumbayan kung ano ang magiging kapalaran ng ₱89.9 billion na PhilHealth reserve funds.
Magiging tulay ba ito sa progreso—o bangin patungo sa panibagong eskandalo ng korapsyon?
