The Hague, Netherlands — Ipinahayag ni Bise Presidente Sara Duterte ang taos-pusong pasasalamat ng kanyang ama, si dating Pangulong Rodrigo Duterte, sa mga tagasuporta niyang nagtipon sa harap ng International Criminal Court (ICC) detention center sa The Hague.
Ayon kay FPRRD, siya ay “eternally grateful” at kinikilala ang sakripisyo ng bawat isa, kahit hindi nila ito kailangang gawin. Hiniling din niyang maaari na silang umuwi at itigil ang kanilang paghihintay, ngunit ang tugon ng mga tagasuporta ay, “Hanggang sa dulo! Walang iwanan.”
Sa kanyang pagbisita, ipinagbigay-alam ni VP Sara na ang kanyang ama ay nananatiling maayos ang kalagayan at nakakaramdam ng lungkot sa pagnanasa ng pagkaing Pilipino. Ipinahayag din niyang siya ay may tungkulin bilang Bise Presidente na tulungan ang isang kababayan na kasalukuyang nakakulong sa ICC, at hindi lamang bilang anak ni FPRRD.
Binigyang-diin niya na ang kanyang presensya sa The Hague ay bahagi ng kanyang opisyal na tungkulin at hindi personal na desisyon.
Sa kabila ng hiling na pag-uwi ni FPRRD, ipinagpatuloy ni VP Sara ang kanyang misyon na tiyakin ang kaligtasan at karapatan ng bawat Pilipino, lalo na ang kanyang ama, sa harap ng mga hamon at pagsubok na kinakaharap nila sa kasalukuyan.
