SASABAK sa IWF World Championships ang weightlifting team ng Pilipinas ngayong Setyembre 4 hanggang 17 sa Saudi Arabia.
Pangungunahan mismo ng Olympian na si Hidilyn Diaz ang Team Pilipinas sa nabanggit na championships.
Kasama ni Diaz dito sina Elreen Ando, Vanessa Sarno, Kristel Macrohon, Rosegie Ramos, Lovely Inan, at John Febuar Ceniza.
Ang IWF World Championships ay isang qualifier tournament para makapasok sa 2024 Paris Olympics.
